«сурхондарё вилояти» тегли мақолалар
Сурхондарёда ҳоким ёрдамчиси фирибгарликда айбланмоқда. У фуқаролар номига кредит олган бўлиши мумкин
Қумқўрғон туманида ҳоким ёрдамчиси фуқароларнинг номига иссиқхона ташкил этиш учун 4 марта (жами 132 млн сўм) кредит олиб, пулларни ўзига қарашли МЧЖга ўтказгани айтилмоқда. Унга нисбатан жиноят иши қўзғатилди ва лавозимидан озод этилди.
ДХХ ўзбек-тожик давлат чегарасидан топилган қарийб 90 кг гиёҳванд модданинг эгаларини қидирмоқда
Сурхондарё вилоятида ўзбек-тожик чегарасининг Сариосиё тумани ҳудудидан ўтган қисмида 4 дона рюкзакда жами 89 кг 699 гр гиёҳвандлик воситалари топилди. Ҳолат бўйича жиноят иши очилди. Гиёҳванд моддаларнинг эгалари қидирилмоқда.
Ўзбекистон йил охиригача Қўштепа канали юзасидан Афғонистонга ҳукумат делегациясини юборади
«Толибон» қураётган Қўштепа канали қурилиши юзасидан Ўзбекистон ҳукумати делегацияси тузилмоқда ва у музокаралар ўтказиш учун йил охиригача Афғонистонга юборилади, дея маълум қилди «Газета.uz» билан суҳбатда делегация аъзоси, Сурхондарё вилояти ҳокими Улуғбек Қосимов.
Сурхондарёда Қизил китобга киритилган 611 туп тожик кавраги кесиб кетилди
Сурхондарёдаги «Боботоғ» давлат ўрмон хўжалигида Қизил китобга киритилган 611 туп тожик кавраги ноқонуний кесиб олинди. Йил бошидан буён айни шу ўрмон хўжалигида 11,5 минг туп тожик кавраги кесилиб, табиатга 5,7 млрд сўм зарар етган.
Термизда канализациядаги авария сабабли сув 3 кун давомида график асосида берилади
Термиз шаҳридаги канализация тармоғида содир бўлган йирик авария туфайли ичимлик суви таъминоти уч кунга соат 8:00 дан 20:00 гача тўхтатилди. Қолган вақтларда сув берилиши керак.
Сурхондарёда мактаб директорини калтаклаган шахс қамоққа олинди
Сурхондарёнинг Сариосиё туманидаги мактаб директорини калтаклашда гумон қилинган шахс ушланиб, қамоққа олинди. Жабрланувчига ҳимоя ордери берилди, у тумандаги шифохонадан вилоят касалхонасига ўтказилди.
Сурхондарёда мактаб директори калтакланди. Ҳоким ҳолатни назоратга олди
Сурхондарё ҳокими билан можародан сўнг омма эътиборига тушган Сариосиё туманидаги 28-мактаб директори Умида Турсунова ўқитувчилардан бирининг турмуш ўртоғи томонидан аёвсиз калтакланди. Вилоят ҳокими жабрланувчининг олдига бориб, вазиятни назоратга олганини билдирди.
Сурхондарёда автомобиль йўлини кенгайтириш учун 67 туп дарахт кесиб ташланди
Олтинсой туманида автомобиль йўлини кенгайтириш мақсадида 67 туп дарахт ноқонуний кесилди. Аввалроқ туман ҳокимлиги масъули уларни кесишга рухсат сўраган, аммо экология бўлими бунга рухсат бермаган. Бу ҳаракат орқали ўсимлик дунёсига салкам 300 млн сўм зарар етди. Ҳолат бўйича жиноят иши қўзғатилди.
Сурхондарёда мактаб директори вилоят ҳокими билан тортишди
Сариосиё туманидаги мактаб директори ишдан бўшатилганини эълон қилган Сурхондарё ҳокими билан тортишди. ОАВ унинг 10 кунга қамоққа олингани, чиққанидан кейин яна ушлангани ҳақида хабар берди. Мактаб таълими вазири директор ҳибсдан озод этилгани ва ўз лавозимида ишлашда давом этишини маълум қилди.
«Рад жавоби берилган». Экология вазирлиги Сурхондарё ва Бухорода ўн минглаб дарахт кесилиши ҳақида
Экология вазирлиги Сурхондарё ва Бухорода 50−70 минг атрофида дарахтни кесишга рухсат бериш бўйича мурожаат келиб тушгани, бироқ бунга рад жавоби берилганини маълум қилди. Ҳокимликларга юборилган жавоблардан сўнг Бухородаги қурилиш компанияси вакиллари лойиҳани ўзгартиришларини билдирди.
Сурхондарё ва Бухорода 70 мингга яқин дарахт кесилиши мумкин. Жамоатчилик норози
Сурхондарё ва Бухоро вилоятларида қуриладиган автомобиль йўли сабаб 70 мингга яқин дарахт кесилиши мумкин. Лойиҳа ҳужжатлари ҳукуматга топширилгани айтилмоқда. Жамоатчилик бундан норози бўлса, Экология вазирлиги ҳар икки вилоятда одамлар фикри эшитилишини билдирмоқда.
Сурхондарёдаги Тўпаланг ГЭСда модернизация ишлари якунланди
Сурхондарё вилоятидаги Тўпаланг ГЭС 75 млн 400 минг евро эвазига модернизация қилинди. Синов ишлари тўлиқ якунлангач, ГЭС 175 мВт электр энергияси ишлаб чиқара бошлайди. Президент 2019 йилда у ердаги ишлар билан танишиб, жараённи «тарихий воқеа» деб атаган.
Сурхондарё вилоятида «тез ёрдам» ходимлари чақирувга скутерларда ҳам бормоқда
Сурхондарё вилоятида фельдшерлар синов тариқасида «тез ёрдам» чақирувига скутерларда ҳам бормоқда. Бунда тирбандликлар ва ҳаракатланиш қийин бўлган жойларда осон юра олиш мақсад қилинган. Улар аҳволи оғир бўлмаган беморларга биринчи ёрдамни кўрсатиб қайтади.
Сурхондарёнинг эртапишар қовунлари — суратларда
Сурхондарё вилояти Шеробод туманида дакара навли эртапишар қовун ва дўлбе навли тарвуз етиштирилиб, қовундан илк ҳосил олинди. Етилишига 4 ой вақт кетган полиз маҳсулотлари ички бозорга юборилмоқда. Фото.
Сурхондарё ҳокими топшириқларни бажармагани учун барча ўринбосарларини огоҳлантирди
Сурхондарё вилояти ҳокими Улуғбек Қосимов «топшириқлар ўз вақтида бажарилмагани учун» барча ўринбосарларига огоҳлантириш берди. Шунингдек, қатор ҳудудларда туман ҳокимлари ўринбосарлари ва ташкилот раҳбарларига нисбатан интизомий жазо чораси қўлланадиган бўлди.
Ўзбекистондаги 58 та болалар боғчасида «Меҳрибонлик корпуси» кўмагида китоб бурчаклари ташкил этилди
«Меҳрибонлик корпуси» ва МакГоверн-Доул дастури томонидан Сурхондарё ва Қорақалпоғистондаги 58 давлат мактабгача таълим ташкилотларида китоб бурчаклари очилди. Ушбу муассасаларга тўрт тилда салкам 5800 та китоб ҳадя қилинган.
Сурхондарёда никоҳидаги хотинини бўғиб ўлдирган эркак 16 йилга қамалди
Шеробод туманида эркак шаръий никоҳдаги аёлини маст ҳолида фарзандининг кўз ўнгида калтаклаб, бўғиб ўлдирган. Унга 16 йил қамоқ жазоси берилди. Эркак аввал ҳам қасддан оғир жиноятлар содир этгани сабабли хавфли рецидивист деб топилди.
«Эрим ва ўғилларимни уруш-жанжалдан зўрға ушлаб турдим» — эркак ҳамкасби томонидан калтакланган ўқитувчи аёл
Сурхондарёдаги мактабда аёл ҳамкасбларини калтаклаган эркак ҳодисадан кейин ҳам озодликда эди. Воқеа видеоси тарқалгач, жиноят иши қўзғатилиб, эркак ушланган, мактаб директори ишдан олинган, жабрланувчининг ҳолидан эса ҳоким хабар олган. «Газета.uz» ҳодиса иштирокчилари билан суҳбатлашди (видео).
ТерДУ талабаси фуқаронинг банк картасидан 75 млн сўм ўзлаштиргани айтилмоқда
Термиз давлат университети 4-курс талабаси ўзи амалиёт ўтаган банкда фуқаронинг карта маълумотларини ўзлаштириб, 75,7 млн сўмни ечиб олганликда гумонланмоқда. Ҳолат юзасидан жиноят иши очилди. Агар унинг айби тасдиқланса, 3−5 йилгача озодликдан маҳрум қилиниши мумкин.
Сурхондарёда бир кунда 13 нафар ҳоким алмашди
Сурхондарёнинг 13 та туманида халқ депутатлари кенгашларининг навбатдан ташқари сессияларида янги ҳокимлар тасдиқланди. Сессияларда вилоят ҳокими в. б. Улуғбек Косимов ва Ўзбекистон президенти Администрацияси вакиллари иштирок этишди.
Энг кўп ўқилган хабарлар | Сўнгги янгиликлар
- Хонанда Ширин Абдуллаева 19 ёшида вафот этди
- Тошкентда 17 нафар фуқаро ноқонуний диний ташкилот тузишда гумонланиб қўлга олинди
- Ўзбекистонда метан заправкаларга газ етказиб бериш вақтинча чекланди
- Зеленский АҚШ билан фойдали қазилмалар бўйича шартнома имзолашдан бош тортди — WP
- Тошкентда вояга етмаган қизни меҳмонхонага олиб бориб, унга шилқимлик қилган ва жароҳат етказган эркак қамалди
Қўшимча имкониятлардан фойдаланиш учун сайтда рўйхатдан ўтинг